काँग्रेस सुदूरपश्चिम संसदीय दलको नेतामा शाह सर्वसम्मत चयन

धनगढी । सुदूरपश्चिम प्रदेश सभामा नेपाली काँग्रेस संसदीय दलको नेतामा प्रदेश सभा सदस्य कमल शाह  सर्वसम्मत चयन भएका छन् ।  १९ जना सांसद रहेको सुदूरपश्चिम प्रदेश सभामा काँग्रेसको संसदीय दलको नेतामा अन्तिम समयमा आएर शाह सर्वसम्मत रूपमा चयन भएका हुन् । 

सर्वसम्मत रूपमा नेता चयन हुन नसके आज अपराह्न ४ बजेदेखि मतदान हुने थियो । प्रदेश सभा सदस्य शाह कैलाली निर्वाचन क्षेत्र नम्बर २ को प्रदेशसभा (१)बाट निर्वाचित भएका थिए । कांग्रेस संसदीय दलको नेतामा प्रदेश सभा सदस्य बहादुरसिंह थापा, दिवानसिंह विष्ट, मेघराज खड्का, प्रकाश देउवासहितका ७ जनाले आकांक्षा राखेका थिए ।