कैलालीको चौमाला बजारमा भीषण आगलागी, ४ पसल जलेर नष्ट

धनगढी : कैलालीको चौमाला बजारमा भीषण आगलागी भएको छ। शनिवार साँझ जिल्लाको गौरीगंगा नगरपालिकाको  चौमाला चोकमा रहेको हिमाल मोबाइल ग्यालरीमा विद्युतको तार सर्ट भएर आगलागी भएको हो।

कैलाली स्थित चौमाला प्रहरीका अनुसार आगलागी बाट ४ ओटा पसल जलेर नष्ट भइसकेका छन् । कैलालीको गौरीगंगा नगरपालिकासँग दमकल नभए पछि गोदावरी नगरपालिका र धनगढी उपमहानगरपालिकाको दमकल मगाइएको छ ।

घटना स्थलमा अहिले प्रहरी, म्यादी प्रहरी तथा स्थानीयको सहयोगमा आगो निभाउन थालिएको छ ।