कैलालीमा बाघले एकैदिन २१ बाख्रा मार्‍यो

धनगढी : कैलालीमा बाघले एकैदिन २१ बाख्रा मारेको छ । कैलालीको मोहन्याल गाउँपालिका वडा नम्बर ७ कुईने गाउँमा रहेको कालिका सामुदायिक वन नजिक बाघले बाख्रालाई आक्रमण गरी मारे हो।

जिल्ला प्रहरी कार्यालय कैलालीका प्रहरी नायव उपरीक्षक वेद प्रसाद जोशीले सोमबार साँझ बाघको आक्रमणमा परि स्थानीयका २१ वटा बाख्रा मारेको बताएका हुन।

प्रहरी नायव उपरीक्षक जोशीले कालिका सामुदायिक वनको सरंक्षण क्षेत्र भित्र घरबाट बाख्रा चराउन लगेको अवस्थामा बाघले बाख्रा मारेको जानकारी दिए।

उनका अनुसार कुईने बस्ने धर्म राज मिजारका ६ वटा खसी र ४ वटा बाख्रा, नविन बडुवालका ४ बोका र ४ बाख्रा, पहिला बिटालुका २ वटा बाख्रा, सावित्रा बडुवालको १ बाख्रा गरि २१ वटा बाख्रा बाघले मारेको हो।