धनगढीमा १ नम्बर वडाको पूर्ण गणना सहित २, १९ र १८ नम्बरको गणना जारी रहँदा हमालकै अग्रता

धनगढीः सुदूरपश्चिमको एकमात्र उपमहानगरपालिका धनगढीमा स्वतन्त्र उम्मेदवार गोपाल हमालले अग्रता कायम राखेका छन्। सुरुवातदेखि नै अग्रता लिएका हमालले वडा नम्बर १ मा मात्रै सत्तारुढ गठबन्धनबाट काँग्रेसका उम्मेदवार नृपबहादुर वडभन्दा ८ सय बढी मत पाएका छन्।
यस्तै वडा नम्बर २, १८ र १९ मा पनि गणना सुरु भएकोमा ती वडामा पनि काँग्रेसका उम्मेदवार वडभन्दा बढी मत पाएका छन्। अहिलेसम्म ५ हजार ५२६ मतगणना हुँदा हमालले २ हजार ४३९, वडले १ हजार ४४६ र एमालेका रणबहादुर चन्दले ४९० मत पाएका छन्।
यस्तै उपमेयरमा माओवादी केन्द्रकी शान्ति अधिकारीले लिड यथावत राखेकी छिन्। उनलाई स्वतन्त्र उम्मेदवार प्रभाकर भण्डारी र एमालेकी कन्दकला रानाले पछ्याइरहेका छन्।