नवजीवन सहकारी चुनाव : हाल सम्म ६ हजार मतगणना हुँदा बमको अग्रता कायमै

धनगढी : नवजीवन सहकारी संस्था धनगढीको नेतृत्व चयनका लागि भएको निर्वाचनको मत गणना जारी रहेको छ । हाल सम्म ६ हजार मतगणना भईसकेको प्रमुख निर्वाचन अधिकृत लोकबहादुर बिष्टले जानकारी दिएका छन्।

प्रमुख निर्वाचन अधिकृत बिष्टका अनुसार ६ हजार मतगणनामा हालसम्म अध्यक्षका प्रत्यासी देवबहादुर बमको अग्रता कायमै रहेको छ । बमले तीन हजार ५९ मत प्राप्त गरेका छन् । अर्का उम्मेदवार रतनबहादुर कठायतले दुई हजार ३७६ मत प्राप्त गरेका छन् ।

सहकारी संस्थामा २९ हजार ५ सय ७७ शेयर सदस्य रहेकोमा १७ हजार ८० मत खसेको थियो । मतगणना हिजो रातीबाट सुरु भएको थियो ।