सुदूरपश्चिम प्रदेशमा आज थप ५ सय ३४ जनामा कोरोना संक्रमण पुष्टि, भारतबाट आएका मात्रै १५५ जना

धनगढी : सुदूरपश्चिम प्रदेशमा आज थप ५ सय ३४ जनामा कोरोना संक्रमण पुष्टि भएको छ। सुदूरपश्चिम प्रदेश स्वास्थ्य निर्देशनालयका अनुसार २ हजार २८६ जनाको कोरोना परीक्षण गर्दा ५ सय ३४ जनामा कोरोना संक्रमण पुष्टि भएको हो।

स्वास्थ्य निर्देशनालयका अनुसार आज २ सय ३९ जनाको पीसीआरमार्फत र २ सय ९५ जनाको एन्टिजेनमार्फत परीक्षण गर्दा संक्रमण पुष्टि भएको छ। आज कोरोना संक्रमण पुष्टि भएकामध्ये १ सय ५५ जना भारतबाट आएका नागरिक हुन्।

त्रिनगर–गौरीफन्टा नाकाबाट भित्रिएका ७४, गड्डाचौकी नाका भएर स्वदेश फर्केका ७६ ,जुलाघाटबाट फर्केका ४, पुलघाट नाका दार्चुलाबाट फर्केका १ जनामा कोरोना संक्रमण पुष्टि भएको हो।