सेती प्रादेशिक अस्पतालमा आज थप १६७ जनामा कोरोना संक्रमण पुष्टि

धनगढी : सेती प्रादेशिक अस्पताल धनगढीमा आज थप १६७ जनामा कोरोना संक्रमण पुष्टि भएको छ । प्रादेशिक अस्पताल धनगढीका अनुसार पछिल्लो २४ घण्टामा २८३ नमुना परीक्षण गर्दा थप १६७ जनामा संक्रमण पुष्टि भएको हो ।

प्रादेशिक अस्पतालका सुचना अधिकारी दिलीपकुमार श्रेष्ठले २४ घण्टामा सात जना संक्रमित निको भई अस्पतालबाट डिस्चार्ज भएको जानकारी दिएका छन् । थप दुईजना नयाँ कोरोना संक्रमित अस्पताल भर्ना भएका छन् ।

हाल अस्पतालमा १३ जना संक्रमित विरामी उपचाररत छन् । ती मध्ये तीनजना आइसियु र एकजना संक्रमितको भेन्टिलेटरमा उपचार भइरहेको अस्पतालका सुचना अधिकारी श्रेष्ठले बताए ।