डोटी अस्पतालमा आज २३ जनामा कोरोना पुष्टि, एकको मृत्यु

डोटी, वैशाख २४ (ई-रैवार)

जिल्ला अस्पताल डोटीमा आज थप २३ जनामा कोरोना संक्रमण पुष्टि भएको छ । जिल्ला अस्पताल डोटीका अनुसार पछिल्लो २४ घण्टामा ५४ पीसीआर परीक्षणमा १८ र २८ एन्टिजेन परीक्षणमा ५ जनागरी २३ जनामा कोरोना संक्रमण पुष्टि भएको हो ।

जिल्ला स्वास्थ्य कार्यालय डोटीका निमित्त प्रमुख उद्बब बहादुर ठगुन्नाका अनुसार दिपायल सिलगढी नगरपालिकामा ४, शिखर नगरपालिकामा २, केआइृ सिह गाउपालिकामा १२, पुर्बिचौकी गाउपालिकामा १, जोरायल गाउपालिकामा २ र बोगटान फुड्सिल गाउपालिकामा २ जनागरी २३ जनामा कोरोना संक्रमण पुष्टि भएको हो ।

डोटीमा थप एक जना कोरोना संक्रमितको मृत्यु भएको छ । रेडियो नेपाल दिपायलमा कार्यरत ३२ वर्षिय पुरुषको कोरोना संक्रमणबाट मृत्यु भएको हो ।