प्रशासनमा कार्यरत कर्मचारीसहित २ जनामा कोरोना संक्रमण

धनगढी,  भदौ २३ (ई-रैवार)

कैलालीमा २ जना कर्मचारीमा कोरोना संक्रमणको पुष्टि भएको छ। सेती प्रादेशिक अस्पतालको प्रयोगशालामा भएको परीक्षणमा जिल्ला प्रशासन कार्यालय कैलाली र रेडक्रस सोसाईटीमा कार्यरत कर्मचारीमा संक्रमण पुष्टि भएको हो ।

जिल्ला प्रशासन कार्यालय कैलालीले अनुगमनमा खटिएका र सीमा क्षेत्रमा नेपालीको उद्धारमा खटिएका कर्मचारीमा संक्रमण पुष्टि भएको जनाएको छ ।

उनीसंगै जिल्लाकोअनुगमनमा रहेका नेपाल रेडक्रस सोसाईटीका अर्का कर्मचारीमा पनि संक्रमण पुष्टि भएको छ । अनुगमन टोलीका अन्य सदस्यलाई भने संक्रमण देखिएको छैन् ।

जिल्ला प्रशासन कार्यालयमा कार्यरत अन्य कर्मचारीको समेत कोरोना परीक्षण गरिने जनाएको छ ।