भारतमा एकैदिन कोरोनाका १७ हजारभन्दा बढी बिरामी भेटिए, २३ जनाको मृत्यु

काठमाडौं : भारतमा एकैदिन कोरोनाका १७ हजारभन्दा बढी बिरामी भेटिएका छन् । पछिल्लो २४ घण्टामा २३ कोरोनाका बिरामीको मृत्यु भएको छ । पछिल्लो केही दिनदेखि भारतमा कोरोना संक्रमितको संख्या वृद्धि भइरहेको हो ।

भारतको स्वास्थ्य विभागको आँकडा अनुसार पछिल्लो २४ घण्टामा कोरोनाका १७ हजार ७० नयाँ संक्रमित भेटिएका हुन् । भारतमा पाँच राज्यमा सबैभन्दा बढी कोरोना संक्रमित भेटिएका छन् ।

यी राज्यमा केरल ४,०८३ संक्रमितसहित पहिलो स्थानमा छ । त्यसपछि महाराष्ट्र (३,६४०), तमिलनाडु (२,०६९), पश्चिम बंगाल (१,४२४) र कर्नाटक (१,०४६) को नम्बर पार्चौ स्थानमा रहेको छ ।

कोभिडका कारण पछिल्लो २४ घण्टामा २३ जनाको मृत्यु भएको छ । भारतमा हालसम्म पाँच लाख २५ हजार १३९ ले ज्यान गुमाइसकेका छन् । एजेन्सीबाट