नेपाली कांग्रेस कैलालीको वडा अधिवेशन भोलीदेखि हुने

धनगढी, कात्तिक २६ (ई-रैवार)

नेपाली कांग्रेस कैलालीको वडा अधिवेशन शनिबार सुरु हुने भएको छ । नेपाली काग्रेस कैलालीले आज पत्रकार सम्मेलनको आयोजना गर्दै सो बारे जानकारी दिएको हो ।

नेपाली कांग्रेस कैलालीको वडा अधिवेशनका लागि तयारी पुरा भएको नेपाली कांग्रेस कैलालीका सभापती नरनारायण शाह ‘मनु’ ले जानकारी दिएका हुन ।

कैलाली जिल्लामा १८ हजार २ सय ७३ कृयाशिल सदस्यता रहेको छ । जिल्लाभरी २ हजार ५ सय जना पदमा चयन गरिने नेपाली कांग्रेस कैलालीले सभापती ‘मनु’ ले जानकारी दिए ।

यस अघि भदौ १८ गते हुने भनिएको वडा अधिवेसन क्रियाशील सदस्यको नामावली उपलब्ध नभएको भन्दै स्थगित गरिएको थियो ।