सुदूरपश्चिम प्रदेशमा आज थप १८ जनामा कोरोना पुष्टि

धनगढी, कात्तिक २६ (ई-रैवार)

सुदूरपश्चिम प्रदेशमा आज थप १८ जनामा कोरोना संक्रमणको पुष्टि भएको छ । पछिल्लो २४ घण्टामा प्रदेशभर पीसीआर र एन्टीजेन बिधिबाट एक हजार २४ जनाको नमूना परीक्षण गर्दा १८ जनामा कोरोना संक्रमण पुष्टि भएको हो ।

सुदूरपश्चिम प्रदेश स्वास्थ्य निर्देशनालयका अनुसार आरटी पीसीआर १३ र एन्टीजेन बिधिमार्फत ५ जनामा कोरोना संक्रमण देखिएको हो । पीसीआर बिधिमार्फत सेती प्रादेशिक अस्पतालमा १२ र महाकाली अस्पतालमा एक जनामा कोरोना संक्रमण देखिएकोनिर्देशनालयले जनाएको छ । यस्तै एन्टीजेन बिधिमार्फत कैलालीका तीन र कञ्चनपुरका दुई जनामा कोरोना संक्रमण पुष्टि भएको छ ।

पछिल्लो २४ घण्टामा २४ घण्टामा प्रदेशभर नौ जनाले कोरोना जितेका छन् ।