सुदूरपश्चिम प्रदेशमा कोरोना संक्रमित शून्य !

धनगढी, कार्तिक १ (ई-रैवार)

सुदूरपश्चिम प्रदेशमा आइतबार कोरोना संक्रमण शून्य देखिएको छ। २४ घण्टामा प्रदेशभर एन्टीजेन विधिबाट ५५७ जनाको नमूना परीक्षण गर्दा एकजनामा पनि कोरोना संक्रमण देखिएन।

यस्तै गएको २४ घण्टामा प्रदेशभर २५ जना कोरोना संक्रमणमुक्त भएको स्वास्थ्य निर्देशनालयले जनाएको छ। उक्त अवधिमा यस प्रदेशमा कोरोना संक्रमणका कारण एक जनाको पनि मृत्यु भएको छैन।

सुदूरपश्चिममा हालसम्म तीन लाख ७३ हजार ४२ जनाको परीक्षण गरिएकामा ४७ हजार ४७८ जनामा कोरोना संक्रमण पुष्टि भइसकेको छ। कोरोना संक्रमणकै कारण प्रदेशभर ५९८ जनाले ज्यान गुमाएका छन्। रासस