मोटरसाइकल दुर्घटना हुँदा कैलालीमा एक जनाको मृत्यु, दुई जना घाइते

धनगढी, असोज २८ (ई-रैवार)

मोटरसाइकल दुर्घना हुँदा कैलालीमा एक जनाको मृत्यु भएको छ। प्रदेश ट्राफिक प्रहरी कार्यालय अत्तरियाका अनुसार गौरीगंगा नगरपालिका- २ आमबगीयामा से २ प ५९५२ नम्बरको मोटरसाइकल दुर्घटना हुदाँ २५ वर्षीय लक्ष्मण चौधरीको मृत्यु भएको हो।

प्रदेश ट्राफिक प्रहरी कार्यालय अत्तरियाले मोटरसाइकल दुर्घना हुँदा मोटरसाइकल चालक कैलालीको गौरीगंगा – १ घर भएका २५ वर्षीय लक्ष्मण चौधरीको मृत्यु भएको जनाएको छ।

मोटरसाइकलमा सवार सोही ठाउँका २७ वर्षीय हरि चौधरी र २२ वर्षीय डबल बोहोरा घाइते भएका छन् । उनीहरु दुबै जनाको धनगढीस्थित सेती प्रादेशिक अस्पतालमा उपचार भइरहेको छ।

मृतक लक्ष्मणको पनि सेती अस्पतालमा उपचारमा क्रममा मृत्यु भएको प्रहरीले बताएको छ। प्रहरीका अनुसार मोटरसाइकल अनियन्त्रित भई दुर्घटना भएको हो।