कैलालीलाई हराउँदै डोटी प्रथम प्रदेशस्तरीय भलिबलको फाइनलमा

धनगढी, असोज २३ (ई-रैवार)

प्रथम सुदूरपश्चिम प्रदेशस्तरीय पुरुष भलिबल प्रतियोगितामा डोटी फाइनलमा प्रवेश गरेको छ । धनगढीमा जारी प्रथम सुदूरपश्चिम प्रदेशस्तरीय पुरुष भलिबल प्रतियोगितामा कैलालीमाथि उत्कृष्ट जित निकाल्दै डोटी फाइनलमा प्रवेश गरेको हो ।

कञ्चनपुरलाई पराजित गर्दै समूह विजेतासहित सेमिफाइनलमा प्रवेश गरेको डोटीले आज सम्पन्न सेमिफाइनल खेलमा कैलालीलाई ३-१ को सेटमा पराजित गरी फाइनको यात्रा तय गरेको हो ।

प्रतियोगिता अन्तरगत अहिले धनगढी रङ्गशालामा कञ्चनपुर र डडेल्धुरा दोस्रो सेमिफाइनल खेलिरहेका छन् ।