मोहना नदीमा बगेर एकजना बेपत्ता

धनगढी, भदौ १२ (ई-रैवार) 

मोहना नदीमा तर्ने क्रममा एकजना बेपत्ता भएका छन् । कैलालीको मोहना नदीमा तर्ने क्रममा पुरन राना बगेर बेपत्ता भएका हुन् ।

जिल्ला प्रशासन कार्यालय कैलालीले शुक्रबार साझ ६ बजेको समयमा कञ्चनपुरबाट मोहना नदी तरेर फर्किने क्रममा धनगढी उपमहानगरपालिका-३ का पुरन राना बगेर बेपत्ता भएको जनाएको छ ।

जिल्ला प्रशासन कार्यालयका सूचना अधिकारी शिवराज जोशीले बेपत्ता भएका रानाको खोजी कार्य भइरहेको जानकारी दिए ।

अविरल वर्षापछि आएको बाढीले मोहना नदीमा झण्डै ७ वर्षदेखि निर्माणाधीन अवस्थामा रहेको पुलसँग जोड्ने पहुँच मार्ग बगाएको छ भने स्काइ फोल्डिङ पुलसँग जोड्ने मार्गमा पनि क्षति पुगाएकाले आवतजावत रोकिएको छ ।