मोटरसाइलकको ठक्करबाट एक जनाको मृत्यु

धनगढी, साउन २५ (ई-रैवार)

मोटरसाइलकको ठक्करबाट एक जनाको मृत्यु भएको छ। कैलालीको बर्दगोरिया गाउँपालिकामा मोटरसाइलकको ठक्करबाट साइकल यात्रीको मृत्यु भएको हो ।

प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक बामदेव गौतमका अन्सार पूर्वपश्चिम राजमार्गअन्तरगत जिल्लाको बर्दगोरिया गाउँपालिका–१ मा से ७ प ८०२ नम्बरको मोटरसाइकलको ठक्करबाट साइकल यात्रीको मृत्यु भएको हो ।

प्रमुख प्रहरी उपरीक्षक गौतमका अनुसार ७२ वर्षीय साइकल यात्री जगतबहादुर साउँदको मृत्यु भएको छ । ‘दुर्घटनामा गम्भीर घाइते भएका साउदलाई उपचारका लागि कोहलपुर मेडिकल कलेज पुगाइएको थियो, उपचारकै क्रममा मृत्यु भएको हो,’ गौतमले भने। मोटरसाइकल धनीलाई नियन्त्रणमा लिइएको र चालक भने फरार रहेको उनले बताएका छन् ।