सेती प्रादेशिक अस्पतालमा ३५ जनामा कोरोना संक्रमण पुष्टि, ९ जना डिस्चार्ज

धनगढी, साउन १६ (ई-रैवार)

सेती प्रादेशिक अस्पतालमा आज थप ३५ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा शनिबार १२९ नमूनाको परीक्षण गर्दा ३५ जनामा कोरोना संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार ९४ जनाको रिपोर्ट निगेटिभ आएको छ । पछिल्लो २४ घण्टामा अस्पतालबाट ९ जना डिस्चार्ज भएका छन् । भने,४ जना अस्पतालमा भर्ना भएका छन्। हाल सेती प्रादेशिक अस्पतालमा १७ जना संक्रमित उपचाररत छन्।