सेती प्रादेशिक अस्पतालमा आज ४३ जनामा कोरोना संक्रमण पुष्टि

धनगढी, साउन ६ (ई–रैवार)

सेती प्रादेशिक अस्पतालमा आज थप ४३ जनामा कोरोना भाइरसको संक्रमण पुष्टि भएको छ। सेती प्रादेशिक अस्पतालको प्रयोगशालामा बुधबार १२२ जनाको नमूना परीक्षण गर्दा ४३ जनामा कोरोना भाइरसको संक्रमण पुष्टि भएको हो।

सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार ७९ जनाको रिपोर्ट निगेटिभ आएको छ। हाल अस्पतालमा १८ जना कोरोना संक्रमित उपचाररत छन्। जसमध्ये २ जना संक्रमित आईसीयूमा उपचाररत रहेको छन्।

सूचना अधिकारी श्रेष्ठका अनुसार पछिल्लो २४ घण्टामा २ जना संक्रमित निको भएर घर फर्किएका छन् भने थप ३ बिरामी अस्पतालमा भर्ना भएका छन्।