सेती प्रादेशिक अस्पतालमा शुक्रबार ९९ नमूना परीक्षण गर्दा १९ जनामा कोरोना संक्रमण पुष्टि

धनगढी, असार १८ (ई–रैवार)

सेती प्रादेशिक अस्पतालमा शुक्रबार थप १९ जनामा कोरोना भाइरसको संक्रमण पुष्टि भएको छ । सेती प्रादेशिक अस्पतालको प्रयोगशालामा ९९ नमूना परीक्षण गर्दा १९ जनामा संक्रमण पुष्टि भएको हो

सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार हाल अस्पतालमा १८ जना संक्रमित उपचाररत छन् । जसमध्ये ६ जना संक्रमित आईसीयूमा र ३ जना भेन्टिलेटरमा उपचाररत रहेका छन् ।

सेती प्रादेशिक अस्पतालमा पछिल्लो २४ घण्टामा १० जना कोरोना संक्रमित निको भई घर फर्किएका छन् भने ७ जना बिरामी अस्पतामा भर्ना भएका छन् ।

सूचना अधिकारी दिलिपकुमार श्रेष्ठले पछिल्लो २४ घण्टामा सेती प्रादेशिक अस्पतामा कसैको पनि मृत्यु नभएको बताएका छा् ।