सुदूरपश्चिम प्रदेशमा पर्यटन बिधेयक पारित

धनगढी,असार १८ (ई–रैवार)

सुदूरपश्चिम प्रदेशमा पर्यटन बिधेयक पारित भएको छ । सुदूरपश्चिम प्रदेशसभाले ‘सुदूरपश्चिम प्रदेश पर्यटन बिधेयक २०७७’ लाई पारित गरेको हो ।

सुदूरपश्चिम प्रदेशसभामा उद्योग,पर्यटन वन तथा वातावरण मन्त्री मानबहादुर धामीले बिहिवारको बैठकमा ‘सुदूरपश्चिम प्रदेश पर्यटन बिधेयक २०७७’ बिधेयक प्रस्तुत गरेका थिए ।

बिधेयक पारित हुनु अघि बिधेयक माथि छलफलमा प्रदेशसभा सदस्य अमरबहादुर साउद, देवकी मल्ल,मालामति रानाथारु र डिल्लीराज पन्तले भाग लिएका थिए ।

बिधेयक पारित संगैअब सुदूरपश्चिम प्रदेश भित्रका पर्यटकीय क्षेत्र एवं पर्यटकीय स्थलको संरक्षण तथा प्रवर्द्धन गर्ने थप बाटो खुलेको छ ।