वडा विभाजन गर्न थालेपछि टीकापुर नगरपालिकामा तालाबन्दी

धनगढी, असार १६ (ई–रैवार)

कैलालीको टीकापुर नगरपालिकामा तालाबन्दी गरिएको छ । नगरपालिकाको वडा नम्बर १ वनगाउँका स्थानीयले आज नगरपालिकाको कार्यालयमा तालाबन्दी गरेका हुन ।

वनगाउँका स्थानीयहरुले टीकापुर नगरपालिकाले वडा विभाजन गर्न थाले पछि असहमति जनाउँदै तालाबन्दी गरेका हुन । नगरपालिकाको हालको वडा नं. १ को वडा बिभाजनमा अन्याय भएको भन्दै स्थानीयले तालाबन्दी गरेको बताएका छन् । नगरपालिकाले भने राजनीतिक दलको सहमति भन्दै वडा नं. १ लाई ५ वडामा विभाजन गर्ने तयारी थालेको छ ।

वनगाउँमा थारु समुदायको बसोबास रहेको छ । उनीहरुले नगरपालिकाले आफूहरुलाई अल्पमतमा पार्ने षडयन्त्र अनुसार वडा विभाजनको काम अघि बढाउको आरोप लगाएका छन । टीकापुर नगरपालिकामा हाल ९ वटा वडा रहेका छन ।