सेती प्रादेशिक अस्पतालमा आज १३ जनामा कोरोना संक्रमण पुष्टि

धनगढी, असार १ (ई-रैवार) 

सेती प्रादेशिक अस्पतालमा आज थप १३ जनामा कोरोना भाइरसको संक्रमण पुष्टि भएको छ । सेती प्रादेशिक अस्पतालको प्रयोगशालामा पछिल्लो २४ घण्टामा २२४ नमूना परीक्षण गर्दा १३ जनामा संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलिपकुमार श्रेष्ठले हाल अस्पतालमा ११ जना कोरोना संक्रमितको उपचार भइरहेको बताए । जसमध्ये १० जना आइसियूमा, १ जना अक्सिजन सपोर्टमा उपचाररत छन् ।

सूचना अधिकारी श्रेष्ठका अनुसार पछिल्लो २४ घण्टामा सेती अस्पतालमा ५ जना कोरोनामुक्त भएर घर फर्किएका छन् भने १ जना अस्पताल भर्ना भएका छन् । पछिल्लो २४ घण्टामा कसैको कोरोनाका कारण मृत्यु नभएको अस्पतालले जनाएको छ ।