सेती प्रादेशिक अस्पतालमा आज १९९ जनामा कोरोना पुष्टि, १ जनाको मृत्यु

धनगढी, जेठ १५ (ई-रैवार)

सेती प्रादेशिक अस्पतालमा आज थप १९९ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा पछिल्लो २४ घण्टामा ५८२ जनामा परिक्षण गर्दा १९९ जनामा कोरोना संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलीप कुमार श्रेष्ठका अनुसार शनिबार ५८२ जनामा गरिएको परिक्षणमा थप १९९ जनामा कोरोना संक्रमण पुष्टि भएको हो ।

सूचना अधिकारी श्रेष्ठले पछिल्लो २४ घण्टामा १४ जना बिरामी आईसियुमा र २ जना बिरामी भेन्टिलेटरमा अस्पताल भर्ना भएको जानकारी दिएका छन् ।

सेती प्रादेशिक अस्पतालमा पछिल्लो २४ घण्टामा उपचारको क्रममा १ जनाको मृत्यु भएको छ ।