सेती प्रादेशिक अस्पतालमा आज १ सय ५४ जनामा कोरोना पुष्टि, ३ जनाको मृत्यु

धनगढी,जेठ १२ (ई-रैवार)

सेती प्रादेशिक अस्पतालमा आज थप १ सय ५४ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा पछिल्लो २४ घण्टामा ८ सय ३३ जनाको स्वाब परीक्षण गर्दा १ सय ५४ जनामा कोरोना संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलीप कुमार श्रेष्ठका अनुसार अहिले सेती प्रादेशिक अस्पतालमा ६६ जनाको कोरोना संक्रमितको उपचार भईरहेको छ । भने पछिल्लो २४ घण्टामा अस्पतालमा थप ४ जना संक्रमित अस्पतालमा भर्ना भएका छन् ।

अस्पतालका सूचना अधिकारी श्रेष्ठले पछिल्लो २४ घण्टामा सेती प्रादेशिक अस्पतालमा ३ जना कोरोना संक्रमितको उपचारकै क्रममा मृत्यु भएको बताएका छन् ।