सेती प्रादेशिक अस्पतालमा आज २४१ जनामा कोरोना संक्रमण पुष्टि

धनगढी, वैशाख १८ (ई-रैवार)  

सेती प्रादेशिक अस्पतालमा आज थप २४१ जनामा कोरोना भाइरसको संक्रमण पुष्टि भएको छ। सेती प्रादेशिक अस्पतालका अनुसार पछिल्लो २४ घण्टामा प्रादेशिक अस्पतालको प्रयोगशालामा ५५२ नमूना परीक्षण गर्दा २४१ जनामा संक्रमण पुष्टि भएको हो ।

प्रादेशिक अस्पतालका सूचना अधिकारी दिलिपकुमार श्रेष्ठले अनुसार ११३ जना धनगढी उपमहानगर पलिकाका, धनगढीबाहेक कैलालीका ९१ जना र अन्य जिल्लाका ३७ जनामा कोरोना संक्रमण पुष्टि भएको जानकारी दिएका हुन ।

सेती प्रादेशिक अस्पतालमा ५९ जना कोरोना संक्रमितको उपचार भइरहेको सूचना अधिकारी श्रेष्ठले बताए। जसमध्ये ३ जना भेन्टिलेटरमा, १७ जना आइसियूमा, ३४ जना अक्सिजन सपोर्टमा उपचाररत छन्।