सेती प्रादेशिक अस्पतालमा उपचाररत थप २ जना कोरोना संक्रमितको मृत्यु

धनगढी, वैशाख १८ (ई-रैवार)

सेती प्रादेशिक अस्पतालमा उपचाररत थप २ जना कोरोना संक्रमितको आज मृत्यु भएको छ । सेती प्रादेशिक अस्पतालमा उपचाररत कञ्चनपुरका २ जना कोरोना संक्रमितको एक/एक घण्टाको फरकमा दिउँसो मृत्यु भएको हो ।

जिल्ला प्रशाासन कार्यालय कैलालीका सूचना अधिकारी शिवराज जोशीका अनुसार कैलालीको सेती प्रादेशिक अस्पतालमा उपचाररत कञ्चनपुरका २ जना कोरोना संक्रमितको एक/एक घण्टाको फरकमा दिउँसो मृत्यु भएको हो ।

सूचना अधिकारी जोशीका अनुसार भीमदत्त नगरपालिका–१८ का ३२ वर्षीय पुरुषको दिउँसो १ बजे र बेल्डाँडी गाउँपालिका–१ का ५५ वर्षीय पुरुषको दिउँसो २ बजे मृत्यु भएको हो । यो संगै आज सुदूरपश्चिम प्रदेशमा कोरोना संक्रमणबाट मृत्यु हुनेको सङ्ख्या ९ पुगेको छ ।