कैलालीमा कोरोना संक्रमणबाट थप एक जनाको मृत्यु

धनगढी,वैशाख १२ (ई-रैवार)

सेती प्रादेशिक अस्पतालमा थप एक जना कोरोना संक्रमितको मृत्यु भएको छ। कैलालीको गोदावरी नगरपालिका ३ का ६२ वर्षीय पुरुषको आइतबार विहान मृत्यु भएको हो।

कोरोना संक्रमणपछि अस्पताल भर्ना भएका ती पुरुषको मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए। वैशाख ८ गते सेती प्रादेशिक अस्पताल भर्ना भएका उनीमा ९ गते कोरोना पुस्टि भएको थियो।

उनमा कडा खालको स्वासप्रस्वासको समस्या देखिएको थियो। यो सहित गोदावरी नगरपालिकाका अहिले सम्म १३ जना कोरोना संक्रमितको मृत्यु भएको छ भने कैलालीमा कोरोना संक्रमणबाट ज्यान गुमाउनेको संख्या ४५ पुगेको छ।