भेरी अस्पतालमा कैलालीका एकजना कोरोना संक्रमितको मृत्यु

बाँके, वैशाख १ (ई-रैवार)

भेरी अस्पतालमा कैलालीका एकजना कोरोना संक्रमित पुरुषको मृत्यु भएको छ । बाँकेको नेपालगञ्जस्थित भेरी अस्पतालमा कैलालीका एकजना कोरोना संक्रमित पुरुषको मंगलबार राति मृत्यु भएको हो ।

भेरी अस्पताल बाँकेका कोरोना फोकल पर्सन तेज ओलीका अनुसार कैलालीको लम्कीचुहा नगरपालिका १ का ३७ वर्षीय पुरुषको उपचारका क्रममा मंगलबार राति ९ : ५० बजे मृत्यु भएको हो ।

स्वास्थ्यमा समस्या आएपछि चैत ३० गते पीसीआर परीक्षण गरिएकोमा सोही दिन उनको रिपोर्ट पोजेटिभ आएको थियो । कोरोना संक्रमण पुष्टि भएसँगै भेरी अस्पतालको कोभिड विशेष वार्डमा भर्ना गरिएको उनको उपचारको क्रममा मंगलबार राति मृत्यु भएको फोकल पर्सन ओलीले बताए ।