कैलाली र कंचनपुरमा थप १५ जनामा कोरोना संक्रमण पुष्टि

धनगढी, चैत ३० (ई-रैवार) 

सेती प्रादेशिक अस्पतालको प्रयोगशालामा कोरोना परक्षिण गर्दा १५ जनामा कोरोना भाइरसको संक्रमण पुष्टि भएको छ। पछिल्लो २४ घण्टामा प्रादेशिक अस्पतालमा ७२ नमूना परीक्षण गर्दा आज थप १५ जनामा संक्रमण पुष्टि भएको हो ।

सेती प्रादेशिक अस्पताल धनगढीका सूचना अधिकारी दिलिपकुमार श्रेष्ठले कैलाली र कंचनपुरका थप १५ जनामा कोरोना भाइरसको संक्रमण पुष्टि भएको जानकारी दिएका हुन।

सूचना अधिकारी श्रेष्ठका अनुसार कैलालीको जोशीपुर गाउँपालिकाका ४ जना, टिकापुर नगरपालिकाका २ जना, गोदावरी नगरपालिकाका २ जना, धनगढी उप–महानगरपालिकाका ४ जना, कञ्चनपुरको भीमदत्त नगरपालिकाका २ जना र कृष्णपुर नगरपालिकाका १ जनामा संक्रमण पुष्टि भएको छ।