गैँडाको खागसहित एक जना पक्राउ

धनगढी, पुस २० (ई-रैवार) 

गैँडाको खागसहित एक जनालाइ पक्राउ गरिएको छ ।  कैलाली जिल्लाको बर्दागोरिया गाउँपालिका वडा नम्बर ४ का ५८ वर्षीय नैनबहादुर कठरियालाई प्रहरीले पक्राउ गरेको हो।

पूर्व–पश्चिम राजमार्गमा ना ३ स ५७१८ नम्बरको रिक्सामा राखिएको खाग र उनलाई संघीय प्रहरी इकाइ कार्यालय धनगढीको समूहले पक्राउ गरेको प्रहरीले बताएको छ।

सङ्घीय प्रहरी कार्यालय धनगढीका प्रमुख प्रहरी वरिष्ठ उपरीक्षक (एसएसपी) नलप्रसाद उपाध्यायका अनुसार सिविलमा गएको समूहले सुखडबाट ४ किलोमिटर पूर्व छतिवन सामुदायिक वन क्षेत्रमा खैडाको खाँगसहित कठरियालाई नियनत्रणमा लिएको हो। उनलाई आवश्यक कारबाहीका लागि वन कार्यालयमा बुझाउने छ।