सुदूरपश्चिम प्रदेशमा एक कोरोना संक्रमित वृद्धको मृत्यु

धनगढी, पुस  ४  (ई-रैवार)

सुदूरपश्चिम प्रदेशमा थप एक कोरोना संक्रमितको मृत्यु भएको छ । सेती प्रादेशिक अस्पतालमा उपचाररत एक वृद्धको शनिबार मृत्यु भएको हो ।

प्रादेशिक अस्पतालका सूचना अधिकारी दिलिपकुमार श्रेष्ठले धनगढी उपमहानरपालिका–५ का ९० वर्षीय वृद्धको उपचारको क्रममा मृत्यु भएको जानकारी दिएका छन् । श्रेष्ठका अनुसार कोरोनाका कारण वृद्धको स्वासप्रस्वासमा बढी समस्या रहेको थियो । उनलाई शुक्रबार सेती प्रादेशिक कोरोना अस्थायी अस्पतालमा भर्ना गरिएको थियो ।

यो संगै कोरोनाका कारण सुदूरपश्चिम प्रदेशमा ज्यान गुमाउनेको सङ्ख्या ४७ पुगेको सामाजिक विकास मन्त्रालयले जानकारी दिएको छ ।