कोरोना संक्रमणबाट धनगढीमा थप एक जनाको मृत्यु

धनगढी, कार्तिक २४ (ई-रैवार)

धनगढीमा कोरोना संक्रमणबाट आज थप एक पुरुषको मृत्यु भएको छ । धनगढी उप–महानगरपालिका वडा नम्बर २ का ८४ वर्षीय पुरुषको आज बिहान करिब ९ बजे मृत्यु भएको हो ।

ती प्रादेशिक अस्पताल धनगढीका सूचना अधिकारी दिलिप कुमार श्रेष्ठका अनुसार उनको सेतीको कोभिड अस्थायी अस्पतालमा उपचारको क्रममा मृत्यु भएको छ । उनमा कडा खालको निमोनियाको समस्या देखिएको थियो । कार्तिक २१ कोरोना पोजिटिभ देखिएको उनलाई सो दिन नै अस्पताल भर्ना गरिएको थियो ।

यो सँगै धनगढीको कोरोना अस्पतालमा मात्रै १२ जनाको मृत्यु भएको सूचना अधिकारी श्रेष्ठले जानकारी दिए ।