कोरोना संक्रमणबाट कैलालीमा दुई जनाको मृत्यु

धनगढी, कार्तिक २२ (ई-रैवार) 

कोरोना संक्रमणबाट कैलालीका दुई जनाको मृत्यु भएको छ । टीकापुरका एक पुरुष र बर्दगोरियाका एक महिलाको कोरोना संक्रमणबाट मृत्यु भएको हो ।

जिल्ला प्रशासन कार्यालय कैलालीका सुचना अधिकारी शिवराज जोशीका अनुसार कैलालीको टीकापुर नगरपालिका–१ का ३९ वर्षका एक पुरुष र बर्दगोरिया गाउँपालिका–४ का ५९ वर्षकी महिलाको कोरोना संक्रमणबाट मृत्यु भएको हो ।

दुबै होम आईसुलेसनमा बसेका बेला मृत्यु भएको सुचना अधिकारी जोशीले जनाएका छन ।