धनगढीमा हत्या गरिएका असई बिकको शव परिवारले बुझे

धनगढी,कार्तिक ३ (ई-रैवार)

धनगढीमा हत्या गरेको अवस्थामा भेटिएका प्रहरी सहायक निरिक्षक गोबिन्द बिकका परिवारले शव बुझेका छन् । जिल्ला प्रहरी कार्यालय कैलालीले मृतकका परिवारले शव बुझेको जनाएको छ ।

जिल्ला प्रहरी कार्यालय कैलालीका अनुसार प्रहरी सहायक निरिक्षक बिकको आजै अन्त्येष्टि गर्ने तयारी रहेको छ ।

धनगढी उपमहानगरपालिका वडा नम्बर १२ को अस्थायी प्रहरी पोष्टका ईन्चार्ज  विकको धारिलो हतियार प्रहार गरी नदीमा फालेको अवस्थामा शव फेला परेको थियो ।

सँगै गस्तीमा गएका प्रहरी जवान रामबहादुर साउदको अवस्था भने अझै अज्ञात रहेको छ । धनगढीमा असईको हत्या घटनाको अनुसन्धानका लागि डिएसपीको नेतृत्वमा सिआईबीको टोली परिचालन गरिएको छ ।