कैलालीको मालपोत कार्यालय कार्तिक ३ गतेसम्म बन्द रहने

धनगढी, असोज २६ (ई-रैवार)

कर्मचारीमा कोरोना संक्रमण देखिएपछि भूमी सुधार तथा मालपोत कार्यालय बन्द हुने भएको छ। कैलालीको मालपोतका कर्मचारीमा कोरोना संक्रमण देखिएपछि कार्तिक ३ गतेसम्मका लागि सेवा बन्द हुने भएको हो ।

भूमी सुधार तथा मालपोत कार्यालयले सोमबार एक सूचना जारी गरी कार्तिक ३ गतेसम्मका लागि समपुर्ण सेवा बन्द हुने जनाएको छ । कार्यालयमा कार्यरत अन्य कर्मचारीहरुको पनि स्वाब संकलन गरिने जनाएको छ। कार्तिक ३ गतेसम्मका लागि आन्तरिक प्रशासनको कार्य भने जारी रहने बताइएको छ ।