कैलालीको टीकापुर नगरपालिका एक हप्ताका लागी सिल

धनगढी, असोज २१ (ई-रैवार)

कर्मचारीमा कोरोनो संक्रमण देखिएपछि टीकापुर नगरपालिका सिल गरीएको छ । कैलालीको टीकापुर नगरपालिकामा कार्यरत एकजना कर्मचारीमा कोरोनो संक्रमण देखिएपछि नगरपालिका सिल गरीएको हो ।

टीकापुर नगरपालिकाका प्रमुख प्रशासकीय अधिकृत मोहन अर्यालले एकजना पुरुष कर्मचारीमा कोरोना देखिएको बताए । कर्मचारीमा कोरोना देखिएपछि नगरपालिका एक हप्ता सिल गरीएको प्रमुख प्रशासकीय अधिकृत अर्यालले जानकारी दिएका छन ।

प्रमुख प्रशासकीय अधिकृत अर्यालले नगरपालिकाका सबै कर्मचारीलाई होम क्वारेन्टाइनमा राखिने बताए । आइतबार सम्म सबै कर्मचारीको स्वाब संकलन गरिने अर्यालले जानकारी दिए ।

टीकापुर नगरपालिकामा आज मात्रै १० जनामा कोरोना देखिएको उनले जानकारी दिएका छन ।