सेती अस्पतालमा उपचाररत कोरोना संक्रमित एक महिलाको मृत्यु

धनगढी, असोज १२ (ई-रैवार)

सेती प्रादेशिक अस्पताल धनगढीमा उपचारको क्रममा १ जना कोरोना संक्रमित महिलाको मृत्यु भएको छ । प्रादेशिक अस्पतालका सूचना अधिकारी दिलिप श्रेष्ठका अनुसार धनगढी उपमहानगरपालिका-१ की ६३ वर्षीया महिलाको उपचारको क्रममा मृत्यु भएको हो ।

श्वासप्रश्वासमा समस्या आएपछि उनी असोज ७ गते अस्पतालमा भर्ना भएकी थिइन् । दमको रोगी समेत रहेकी उनमा असोज १० गते कोरोना संक्रमण पुष्टि भएको थियो ।

योसँगै धनगढीमा कोरोनाबाट मृत्यु हुनेको संख्या ३ जना पुगेको छ । भने सुदूरपश्चिम प्रदेशमा मृत्यु हुनेको संख्या २१ जना पुगेको छ।