पूर्वपश्चिम राजमार्गमा बस दुर्घटना हुँदा ८ जना घाईते

धनगढी, असोज १० (ई–रैवार) 

पूर्वपश्चिम राजमार्गमा बस दुर्घटना हुँदा ८ जना घाईते भएका छन् । जिल्ला प्रहरी कार्यालय कैलालीले दिएको जानकारी अनुसार नेपालगञ्ज गईरहेको से ७ ख ३८३६ नम्बरको यात्रुबाहक बस पूर्वपश्चिम राजमार्गको गौरीगंगा नगरपालिकाको राजीपुर जंगलमा दुर्घटना भएको हो।

जिल्ला प्रहरी कार्यालय कैलालीका प्रवक्ता प्रहरी नायव उपरिक्षक प्रतिक विष्टले दिएको जानकारी अनुसार घाईते ८ जनालाई उपचारका लागि पठाइएको छ । दुर्घटनाको विस्तृत विवरण आउन बाकी रहेको प्रहरी नायव उपरिक्षक विष्टले बताए ।