कांग्रेस महाधिवेशन : सहमहामन्त्रीमा खतिवडाको अग्रता कायमै, युवा र महिला केन्द्रीय सदस्यमा पनि प्रतिस्पर्धा तीव्र

काठमाडौँ । नेपाली कांग्रेसको १५औँ महाधिवेशनअन्तर्गत विभिन्न पदको मतगणना जारी छ। खुला सहमहामन्त्रीतर्फ रामहरि खतिवडाले अग्रता कायमै राखेका छन् भने उनलाई अजयबाबु शिवाकोटीले पछ्याइरहेका छन्।

खुला सहमहामन्त्रीका दुई पदका लागि नौ जना प्रतिस्पर्धामा छन्। हालसम्म ५ हजार ८९ मत गणना हुँदा खतिवडाले २ हजार १७८ मत प्राप्त गरेका छन्। शिवाकोटीले १ हजार ५५६ र डिल्लीराम सुवेदीले १ हजार ३३० मत प्राप्त गरेका छन्।

खुला सहमहामन्त्रीतर्फको मतपरिणाम

यसैगरी ३५ वर्षमुनिका युवा खुला केन्द्रीय सदस्यतर्फको मतगणना पनि जारी छ। सातै प्रदेशबाट युवा खुलातर्फ २७ उम्मेदवार प्रतिस्पर्धामा छन्। हालसम्म २ हजार १० मत गणना हुँदा सचिन तिमल्सेना ९२९ मतसहित अगाडि छन्। सुशील भट्ट ८८२ र इन्जिनियर अभिषेक आत्रेय ७९२ मतसहित क्रमशः दोस्रो र तेस्रो स्थानमा छन्।

३५ वर्षमुनिका युवा खुला केन्द्रीय सदस्य

महिला खुला केन्द्रीय सदस्यतर्फ पनि मतगणना भइरहेको छ। ४ हजार ६८९ मत गणना हुँदा वासना थापा फराकिलो अग्रतासहित पहिलो स्थानमा छिन्। उनले ३ हजार ४८४ मत प्राप्त गरेकी छन्। उर्मिला थपलिया २ हजार ६४७ र निमा गिरी २ हजार ६२० मतसहित क्रमशः दोस्रो र तेस्रो स्थानमा छन्। यो क्लस्टरमा १२ मत बदर भएको छ।

महिला खुला केन्द्रीय सदस्यतर्फको मतपरिणाम